Fóðurblandan hf. hefur frá árinu 1960 verið leiðandi í framleiðslu og sölu á íslensku gæðafóðri. Meginmarkmið Fóðurblöndunnar er að þjónusta íslenskan landbúnað og tryggja að þau, sem starfa í greininni, hámarki afrakstur vinnu sinnar, með minni tilkostnaði og á sem skemmstum tíma, án þess þó að fórna gæðum, velferð og ánægju.
Fóðurblandan framleiðir kjarnfóður fyrir nautgripi, fiðurfé, eldisfiska, hesta, kanínur, hunda, ketti, sauðfé og svín. Fóðrið er afrakstur stöðugra rannsókna og endurbóta, sem tryggir heilbrigði dýranna og eykur nyt. Vísindaleg greining er enda forsenda þess að tryggja gæði og stöðugleika framleiðslunnar.
Fóðurblandan notar eins mikið af íslensku hráefni og völ er á. Hráefnið kemur m.a. frá bændum og birgjum á Íslandi, sem starfrækja virkt innra eftirlit og tryggja þannig gæði framleiðslunnar. Fóðurblandan er stolt af því að kaupa vörur og þjónustu innanlands og styrkja þannig íslenskt efnahagslíf. Við græðum öll á því.
